Traġedja Tkun.

Traġedja tkun li mbagħad għajnejk trid taqla’

biex lanqas tibqa' tħares fuq il-ħsara 

li ġibt b’idejk: xħin taf li tista’ 

tikteb l-aqwa ġrajja li tista' qatt tinqara'.

U jien ħassejtni bħal bint il-farawni

ma stajtx nitilqek hemm inti u għaddejja 

tiggalleġġja fuq wiċċ l-ilma tax-xmara.

Jien kont sellimtlek xħin bil-qlugħ mifuħa

int bdejt bil-mod tibiegħed lejn ix-xefaq

u dak għalija kien inħal wasal'għabex

sakemm qam riefnu ġdid u rmiek fuq ħoġri.

Jien għad inkun jien li nkebbes il-ħuġġieġa

Biex tisħon u  hekk intennu l-istess-ħrafa

li lilek il-velenu tas-serp malti

xejn ma jagħmillek.

Alfred Grech

10/09/2019