Tal-Biża Dal-Pajjiż.

Tal-biża dal-pajjiż

Tal-biża kif it-titani li orjentaw id-dinja

Tilfu l-ħatfa tagħħom fuq din l-art imwiegħra

U nħakmu mill-allat il-ġodda

Tal-għolja ta’ olimpu

Fejn hemm ma jersaq ħadd

Għajr dawk il-ftit magħżula.

Tal-biża’ kif l-allat ma jista’ għalihom ħadd

Spiċċaw ilsira tal-flus

U tal-indifferenza.

Tal-biża il-qilla ta’ bixriehom

U kif l-ilpup għatxana dejjem biex jaħtfu

Dlam il-lejl ma jasal qatt

Ma jasal qatt ħin il-mistrieħ

Imbagħad jixxalaw l-avultuni

Fuq il-karnaġġ u l-ħerba li jħallu warajhom.

Tal-biża dal-pajjiż

Tal-kotra li tagħllmet il-mantra

Ta’ kredu ġdid

Fil-benniena ta’ mewġ il-baħar imdardar

Titbandal fil-letarġija.

Alfred Grech

06/09/2019