Int Qiegħda Sew.

Int qiegħda sew

Tagħmel dak li drajt tagħmel

Tinħeba wara l-lenti

U jiena hawnhekk mistagħġeb bija nnifsi

Kuljum burdata differenti.

Imbagħad inkomplu nderru

Nitbiegħedu minn dak li hu

Jew dak li għandna nagħmlu

U nagħżlu ttixbiħat

Li l-iktar inessuna

Dak li għandna ngħidu

Għax dak li għandna nagħmlu

Hu dak li hu

Tedjanti, medjokri u ta’ did-dinja

Filwaqt li aħna rridu

Nisselfu l-ġwienaħ ta’ xi ħamiema

U ntiru bl-aħbar it-tajba

Lejn ximkien ieħor.

Alfred Grech

04/09/2019