Xi Jġiegħlom?

Xi jġiehlom ibiegħu ħajjithom

U fittxu li s-sema jkun nir;

Il-bnazzi ta’ baħar imġebbed

Sa jaslu fil-port bla tnikkir?

Xi jġiegħlom itarrfu ħajjithom

Fuq gomma mifqugħa bla riħ

Titbandal fuq wiċċ mewġ iċ-ċaħda

Jilgħadu max-xorti bis-sħiħ?

Il-qilla tal-karba li twassal

Fuq l-ilma, traġitt bla mitmum;

Xi jġiegħlom jitilqu jew jagħmlu

Dil-qabża’ fid-dlam f’tarf l-irdum?

Alfred Grech

18/04/2020