Għajjietna Din Il-Mixja.

Għajjietna din il-mixja

Iddallam moħħna

U ġisimna raqad.

Tal-bieraħ ma kienet xejn għajr

Rebħa efimera fuq l-għadu

Għax l-għada qomna mill-ġdid

Bl-uġih ta’ ta kif

Se nwasslu sa filgħaxija.

U issa lanqas nafu x’inhu

Jiġri għax lanqas għadna nemmnu

Dak li nisimgħu.

U meta noħorġu mill-friex tal-ħolm

U xewqat safja

Insibu ruħna qiegħdin ngħumu

F’wiċċ l-ilma ġieri

U ninġarru mill-kurrenti

Ta’ li qed jiġri

U nkomplu fejn ħallejna

Il-bieraħ.

Alfred Grech

11/04/2020.