Distakkat.

Distakkat nista’ npinġik kif inti

bi kliem li qatt ma lissint

nikkuntemplak bħal ikona fil-kwadru

jew meta nħares lejja stess

fil-mera.

Distakkat bħal meta

qtajt iċ-ċima

bħal meta qtajt l-irbit

u ħallejt il bastiment għal riħu

narak titbiegħed jew tersaq qrib

inkella tgħib fix-xefaq.

Distakkat nista’ nistrieħ,

nista’ nerġgħa nrabbi ’l-ġwienaħ

u nogħla ’l-fuq mis-sħab

niskandalja l-abbissi primordjali

u nterraq il mogħodijiet

tas-solitudni tiegħi.

Alfred Grech.

05.04.2020.