Bżieżaq tal-Arja.

Is-sena l-ġdida biddlet ħafna nies

Uħud intremew fil-fossa

Oħrajna intradmu taħt il-ġebel u t-terrapein

Tal-bini li jiġġarraf.

Mad-daqq ta’ nofs il-lejl

Mal-isparar tal-murtali

Intesew ħafna dnubiet

Intesew il-ħbiberiji.

Ħadd ma jitkellem

Fuq dak li jolqot lil-ħaddieħor

Għax jibża’ li jintlaqat

Fuq kollox għax magħhom għad imiss

Bħat-toroq tanġenzjali

Mal-għoti tal-kuntratti.

Dak li jaħbat mal-moħħ

Jistampa fuq il-karti

U jibqa’ hemm ixxukkjat.

Hemm kor ta’ min iridek hekk

Jew jisparixxik minn wiċċ id-dinja

Fin-nawfraġju tal-misteri li ntlift fihom

Lanqas il-bżieżaq tal-arja

Ma jitilgħu sa fil-wiċċ

Aħseb u ara dak li tħarebx.

Alfred Grech

21/03/2020.