Mhux int?

Mhux int mistħoqq ridt tagħmel kemm il-darba

l-imgħawweġ u li tajjeb qatt ma kien,

jew lili tgħabbi l-ġwienaħ ta’ xi anġlu

u taf li anġlu mhu se ssib imkien?

Tinkixef fuq il-perċa ddendel ġildek

ta’ dal-pjaċir mhu se jafulek ħadd,

u tgħid li taf kemm għandek biex tiftaħar

imbagħad il-ġieħ li tlift ma ġġibu qatt?

Mhux int ridt tagħmel minni ġenju mkabbar

u taf li jiena ngħanni għana fqir,

trid tħoll iċ-ċomb u mingħalik se tbiddlu

fid-deheb u tgħid li hawn sibt l-eleżir?

U issa wkoll bdejt tħares b’lenti ġdida,

malajr intbaħt li dan kien ħmar il-lejl,

Fi kliemi ġejt u lura għal li konna

stqarrejt li dan kien żball kbir ta’ bla kejl.

Alfred Grech

15/03/2020.