Int Bħal Sajjetta.

Inti bħal sajjetta

Taħraq l-andar

Għalxejn għemistni

Jien miniex mil-messija

Jien għasfur tal-passa

Ġejt nurik x’qed titlef.

Għalxejn xekkiltni

Ħol-gaġġa ma noqgħodx

Jien għadni nfittex lili nnifsi

Fl-iżraq tas-sema

Fil-qiegħ tal-univers

Fis-sħaba efimera

Li ma tħalli ebda traċċja.

Għalxejn insabt ix-xbiek

Imqar mit-toqob tal-malja

Jien ninfed.

Alfred Grech

04/03/2019