Onfoħni.

Kemm tiflaħ ippumpjani

Kemm tiflaħ onfoħni

Bħalissa ninħtieġek daqs ir-riħ

Biex immattar ġwenħajja.

Kemm triq ippumpjani

Bħal bużżieqa li f’ħin

Jew f-ieħor għad trid tinfaqa’,

Imbagħad xħin terġa’ tiġi ħdejja

Tista’ tistaqsi sewwasew

Fejn kont sa ftit ilu.

Kemm tiflaħ ejja ħabbat,

Jekk issib il-bieb miftuħ

Idħol ġewwa

U għidli jekk qatt sibtx kenn

Kull meta jitla’ l-ajru.

Alfred Greh

30/03/2020