Skiet.

Dan huwa skiet mhux bħal kull skiet li jaqa’.

Dan huwa skiet

Li jinfed il-pulmuni

U ma kull nifs li tieħu

Tħoss it-toqol tal-ħajja

Fin-narrattiva ta’ kuljum

U s-sens ta’ ħtija

Li bih tgħabbejt.

Tgħid dan huwa skiet

Qabel ma jiġġarraf

Il-bini, is-skiet

Qabel ma jitla’ l-ajru

Is-skiet li ma tfissrux

Fejn ir-ruħ tinħeba fiha nfisha

Bħal bebbuxu?

Tgħid għad jikkrolla l-mostru

Jinfaqa’ fih innifsu

Leviathan

Bit-tentakoli tal-kartun?

Alfred Grech

14/03/2020.