Ma Tkunx.

Ma tkunx mara li taħsadni

Bil-ġibda ta’ sbuħita

U l-kontorni ta’ ġisimha

Tistordini u tnessini li qed ngħix

Fid-dinja tal-bnedmin.

Ma jkunx twemmin stinat

Li jsammarni mas-salib

Tal-passjoni u d-delużjoni

Bl-anġli jdoqqu ġo widnejja

U s-saqaf tal-ġenna jisfronda.

Ma jkunx xi bastiment li jsalpa

U jibqa’ sejjer dritt

Biex jistaħba wara x-xefaq

Bħal xemx li tilfet ir-rotta.

Ikun biss xħin inħossni qiegħed

X’imkien ieħor

Ankrat mal-art

Iżda ruħi telqt

Ilha li tyelqet x’imkien ieħor

U lura ma terġax.

Alfred Grech

03/03/2020