Maltemp.

Il-maltemp hu sinjal ħażin

Taqlib eżistenzjali ġewwa ruħi

Għalxejn nistaqsi x’kienet il-ħamiema

Jew il-farfett li tħalla jtir

Minn warda għall-oħra.

Il-maltemp sinjal ta’ ġiri mdennes

Xkupat mil-ħolm żdingat ta’ sensi mġeżwra,

Għalxejn teħodha l-mediċina

Ma tagħmel xejn! Trid tidħol fik innifsek.

Hemm ukoll il-fissazzjoni

L-imħabba ta’ ġol moħħ

U l-ġenn tal-qalb

Hekk tibqa’ mjassar għomrok kollu. . .

għax ma tippruvax?

Alfred Grech

03/03/2020