Nilqgħu.

Nilqgħu għad-dullivju li jinżel ġewwa fina

Biex insalvaw mill-għarqa ’l-ħajja,

Bħal fi żmien l-irwiefen u x-xita

Tal-innondazzjonijiet, meta s-silġ

Beda jinħall u l-art

Għerqet taħt wiċċ l-ilma

U minflok arka

Nibnu torri fuq l-għolja tal-fanal

Kontra l-ilmijiet tal-indifferenza

Tal-biża mill-bidla

U ta’ kull ħaġa ġdida u

l-arka nibnuha ġo qlubna

kontra l-ilmijiet tal-ħażen

tar-rgħejba, tal-mibegħda

u kull xorta ta’ sfruttar tal-bniedem dgħajjef

kontra kull sistema

li tqiegħed bniedem kontra l-ieħor

jew bniedem fuq ieħor.

Alfred Grech

10/03/2020.