Staqsini.

Staqsini għaliex waqafna

Nitkellmu ma xulxin

Minn naħħa għall-oħra niġru

Nitgerbu w imgerrfxin.

Staqsini għaliex dil-ġlieda,

Tellieqa kontra l-ħin

Issa li ftit waqafna

Staqsejna dan għal min.

Staqsini x’qed inġorru

X’jagħmilna ferħanin

Xħin kollox ikun għadda

Imbagħad kullħadd miskin.

Mel’issa xhieda għandek

Ta’ kemm sejrin ħażin,

B’dil globalizzazzjoni

Tifridna minn xulxin!

Alfred Grech

16/03/2020.